«Изыдите от среды их, и отлучитися, глаголет Господь, и нечистоте их не прикасайтеся, и Аз прииму вы. И буду вам во Отец, и вы будете Мне в сыны и дщери, глаголет Господь Вседержитель»
(Исаия, глава, 52 ст. 11, Апостол в зач. 182.)
«Смотряйте тако ходящия, якоже имате образ нас. Мнози бо ходят, их же многажды глаголах вам, ныне же и плача глаголю, враги креста Христова, им же кончина погибель, им же бог чрево, и слава в студ им, иже земная мудрствующи»
(зач. 245.)
«Повелеваем вам, братия, от имени Господа нашего Iсуса Христа, отлучатися вам от всякого брата безчинно ходяще, а не по преданию, еже прияша от нас»
(зач. 277.)
«Сущее. Аще кто приходит к вам, и сего учения не приносит, не приемлете его в дом, и радоватися ему не глаголите. Глаголяй бо ему радоватися, сообщается делом его злым. Толкование. Тех, кому пишет послание, апостол предостерегает, чтобы они приходящаго к ним без сего исповедания (учеия Христова) не только не принимали под кров свой, но и не удостоивали приветствия, потому что приветствие от нас должно быть делаемо только тем, кои единонравны и единоверны с нами. Ибо кому мы должны молить благополучия, как не единонравным и единоверным с нами? Если же будем приветствовать нечестивых, что прилично только в отношении к единонравным и единоверным; то этим самым показываем, что мы в общении с ними, и что они уже увлекли нас в свое нечестие»
(бл. Феофилакт, на 2 посл. ап. Иоанна.)
«Всякаго ядущаго со еретики, или пиющаго, или дружбы деющаго, и любви единения, сиречь со арменином, или со яковитом, или мосулманином, или с павликианом, или иже суть прочии таковии, иже суть патерфи, и богомили, таковаго анафема. [на поле: со еретики не достоит имети дружбы]» (Зонар, правило 112.)
«Иже со арменином кто яст, или с павликиянином, или со инем еретиком каковем любо: аще паче любовь имеет кто с таковым, сему глаголем, да оставится. того ради приходит ко церкви чисте. аще неведением се сотворил есть, да освятит его иерей, дав ему заповедь малу от запрещения. аще ли не послушает наказания, но хощет с ними ясти и пити, таковыи со християны да не яст, и в церкви да не приемлется, но отвращатися всякому християнину, яко от идолослужителя»
(Зонар, правило 76.)
«Да некако и ко еретиком любовь имети будете. и сим вредитеся и сокрушитеся, и ложныя догматы, под образом любви приимете. [ниже]: многим бо множицею бысть тщетою любовь со еретики. ибо аще тебе в чесом не вредит, обаче ин в то время соблажняется; соблазнивый же под мучением есть. [ниже] Иже мнози еретицы [зач. 237] претвориша писание. имеют бо еретицы, и сердца лукава, и учения развращенна. «Да некако и ко еретиком любовь имети будете. и сим вредитеся и сокрушитеся, и ложныя догматы»
(От толкования Златоустаго.)
«Услышите вси вы, иже с еретики вкупе ядущии и пиющии, болезненнаго сего ответа; яко Вы Христовы врази бысте. иже врагом царевым друг есть, сей не может друг царев быти, и жити недостоин есть, но со враги погибнет, и горшая подъимет. [ниже] Послушайте паки [лист 583], иже с ними сквернящеся в ядениях и в питиих; како смеете приступити к божественным тайнам Христовым, или не слышите Павла божественнаго вопиюща, яко не можете чашу Господню пити, и чашу бесовску»
(Маргарит, о лжеучителех.)
«Нарекованием именуются христиане, а нравом язычницы, и смесившися с ними, сиречь с еретиками и навыкоша дела их»
(Златоуст, Маргарит. Зри такожде о сем и в книге О вере, глава 29, лист 266.)
«Возлюбленнии, многажды глаголах вам, о безбожных еретицех, и ныне молю; не совокупляйтися с ними, ни в ядениих, ни в питии, ни в любви ни в дружбе: творяй бо сия, чюжда себе творит Христовы церкви. [ниже]; аще бо кто и безплотных житие поживет, еретиком же приобщается, в дружбе или в любви: таковый чюжд есть Владыки Христа»
(Преподобный Иосиф Волоцкий, слово 13. Цитата по «Стостатейнику» филиповскому.)
«Враги Божии, как объявил Златоуст великим и громким голосом, суть не только еретики, но и вступающие в общение с ними... Не будем молчать, чтобы у нас не сделался вопль содомский, не будем жалеь дольнего, чтобы нам не потерять горнего»
(преп. Феодор Студит.)
"Сии проклинаеми да предани будут диаволу. уже да не имут места спасению, но да будут от Христа чуждии. аще убо толикими от всех святых прокляти бывше, и от Христа отгнани, и диаволу предани, и до скончания века от всех христиан проклинаеми, како паки яко истиннии христиане от правоверных прияти будут; какоже и лживии христиане от правоверных прияти будут; какоже и лживии христиане, и лживии правовернии, скверное их крещение, и жертвы их, яко истинныя и крепкия творят, аще бо тмократицею прокляти бывше, и диаволу предани; како от анафемы и от клятвы благословение изыдет; или како от диавола духовное и святое дело совершается; а от анафемы благословение не бывает, и от проклятия молитва не исходит, и от диавола Христово таинство не совершается, и от гноища благоухание не исходит. и от гнилаго трупия иныи не исцеляется, ниже от червивых удов здравие иному телеси подается. ни паки от ереси, или от неверия, духовное действо исполняется. ни от неверных, ниже зловерных и нечестивых, совершенное и благоприятное крещение может быти. Темже проявленно, яко крещение их, и вся яже от них неприятна и непотребна суть. Аще и тщатся несмысленнии и неразумнии, и неутвержении, и лживии христиане, яко истинная и благоприятная творити деяния их, но да услышат ненаучении, и ненаказаннии, Иоанна Богослова глаголюще тако в своем послании. аще кто приходит к вам, а сего учения не приносит с собою, радоватися ему не глаголите, и в храмину не приемлите. иже бо глаголет ему радоватися, общник будет делом его лукавым. Темже проявлено есть, яко иже правовернии именуются, а приобщаются с сими еретики в ядении и в питии, и в дружбе, и в любви, и творимая от них яко благоприятна мнят, и нечестивно и неразумно истинныя христианы их именуют, общники обретаются проклятию и анафеме, яже на них написана от всея вселенныя. от востока и до запада, от соборныя и апостольския церкви. якоже божественныи Иоанн Златоуст глаголет. Иже творится друг быти еретиком, враг Божии есть".
(Кормчая старописменная, слово Иоанна митрополита Никейскаго.)
http://www.liveinternet.ru/users/1160909/post138193084/
|
